Ամառ 2017. ես կարողանում եմ

Featured

Ամառ 2017-ը առանձնահատուկ է մեր ամենհնարների մոլորակում, որովհետև որքան հմտություն ու կարողություն  ձեռք են բերել մեկ տարվա ընթացքում, այժմ  իրենց կենդանի ապրումով պետք է տարածեն, սովորեցնեն արդեն նոր կրստեր հինգ-վեց տարեկաններին:
Ճամբարը անհատական նախասիրությունների, խմբային նախաձեռնությունների, նոր ու հետաքրքիր մտքերի, ստեղծումի հնարավորություն է տալիս:
Ճամաբարային առաջին օրըս սկսեցինք կանաչ տարածքները աղբից մաքրելու կարևորագույն աշխատանքով:

Մեր  շարժուն, անդադար հինգ- վեց տարեկաններին չէր կարող շրջանցել ստեղծագործ, երևակայական մարզատոնը: Հետևելով  ընկերների խաղ-գործունեությանը ՝ մեր հնարամիտները ստեղծեցին այլընտրանքային մարզաձևի իրենց այլընտրանքը:
Արագաշարժությամբ, ճկունությամբ , ստեղծականությամբ , ձեռքի տակ եղած նյութերով կազմակերպեցինք խաղուտոցի, խաղխմոցի, խաղբռնոցի:

Ստեղծագործական երևակայության մարզատոնը

Реклама

Լողափնյա ջրախաղեր. ես կարողանում եմ

Իմացումի հրճվանք կրթական ծրագիր
Հինգ — վեց տարեկանների զարգացման ծրագիր

IMG_20170620_113731Մեր ամենահնար, կենսուրախ, ակտիվ, հետաքրքրասեր, միշտ արկածներ որոնող արդեն վեց տարեկանները լողափում իսկապես իրենց զգում են ինչպես ձուկը ջրում: Խիզախելով ջուրն են մտնում և ամեն անգամ գլուխ են գովում իրենց ձեռբերումներով:
Այսօր ամենհնարները որոշեցին Հունիսիկ ստուգատեսի նախապատրաստական խաղ-գործունեությունը սկսել: Լողափը լցվել  էր ջրային խաղերի բազմապիսի հնարքներով:
Ձեռքի տակ եղած նյութերով որոշեցինք հորինել խաղեր և փորձարկել՝ Հունիսիկ ամսիկին  առավել վստահ ներկայանալու համար:
Բաժանվեցինք  խմբերի և խաղ-հորինումին համապատասխան սկսվեց ջրայիին մարզատոնը:
Ջրային մարզատոնը՝ նկարաշարով

Ջրային մարզատոնը՝ տեսաֆիլմով

Սովորողները  ոգևորվել էին իրենց խաղ-հորինումով և որոշեցինք ամեն օր մեկ խաղ-հնարք գտնել և լողափը դարձնել ջրախաղի ստեղծումի  հնարքների խաղ-հրապարակ:
Ամենահնարները ամռան ընթացքում շարունակում են ներկայանալ  « Ես կարողանում եմ»  շարքով:
Ահա այսպիսի ջրատոնի հնարքի, խաղ-ստեղծումի կարողության, հմտությունների, հասունության մասին էր մեր օրվա գիրը:

Փազլ-պատկերում, հնչյունենու մրգահավաքը,տառ-թխիկ.իմացումի հրճվանքը՝ խաղուսուցմամբ

Իմացումի հրճվանք կրթական ծրագիր
Հինգ-վեց տարեկանների զարգաման ծրագիր

IMG_20170616_111231.jpg
Հնչյունենու այգու մրգահավաքը
 ( խաղուսուցմամբ բառուսուցում ) սովորողների համար պետք է դառնա ոչ թե նպատակ, այլ լեզվամտածողության, խոսքի զարգացման միջոց:
Ուսումնասիրելով Ջ. Ռոդարու ստեղծագործական երևակայության գաղտնիքները ՝ գտնում ես մանկավարժական խնդիրների լուծման քո բանալին:
Անսահման ու յուրահատուկ են Ջանի Ռոդարիի ստեղծագործություններից ստացած հմտություններն ու կարողությունները: Այնքան մատչելի, բայց միևնույն ժամանակ այնքան խորքային ու անձնային, որ նպաստում են յուրաքանչյուր սովորողի անհատական հետաքրքիքրությունների, հույզերի, կենդանի ապրումի իրական զարգացմանը : Երբ դառնում ես դրա կրողը, սկսում ես մտածել ստեղծագործաբար, երևակայել անսահման :  Արդեն կարևոր չէ , թե որ հեղինակի որ ստեղծագործությունն է. այն դառնում է գործիք և միտքն է աշխատեցնում, կախարդական բանալու պես բացում է բոլոր դռները: Յուրաքանչյուր տարիքային խմբի համար ռոդարիական հնարքները գործող են:  Այն գտնված բանալի է դառնում ,  որ գործիքի պես ձեռքիդ է և ամեն տեղ օգնելու է, ծառայելու է քեզ :
Այսպես, խաղ-կառուցումով, խաղ-հնարքով սկսեցինք բառ-մոլորակի մեր ճամփորդությունը:
Ամեն բառն իր հորինումով, իր տաքնված առեղծվածով մի շղթա էր  բացում, որ հետո պետք է մի նոր գաղտնիք հայտնաբերեր:  Սովորողներն այնքան ոգևորված էին ստեղծագործում, որ տանը շարունակում էին՝ սեփական հնարամտությամբ:
Օրինակ՝
Աննայի տուն մոլորակում

Իրենց երևակայական պատումներն էին հորինում և օգտվելով անհատական ուսումնական գործիքից՝  փորձում էին  paint  նկարչական ծրագիրն ուսումնասիրել  և բառ պատկերել:

«Տ»-ի «տուն»-ը

Ոգևորված իրենց ձեռքբերումներից՝ սկսեցին paint ծրագրով մուտքագրել, պատկերել, ստեղծել ընթերցարաններ:
Օրինակ՝ 
Զատկական ընթերցարան

Սովորողները ոչ թե անգիր էին անում կամ իրենց տանջում գրուսուցման կրկնվող, մեծածավալ տեքստերով, այլ խաղ փազլ-պատկերումով՝ ոսպով, բրնձով պատկերելով, պլանշետով նկարելով, տեխնոլոգիական տարաբնույթ հնարամտութայմբ՝ մրգերով, բանջարեղենով պատկերելով սովորում և դառնում էին գրաճանաչ, տեսնելով ընկերոջ բառ ստեղծումը, հանդիպելով անծանոթ հնչյուն մոլորակների՝ հմտանում էին և դառնում ընթերցասեր: Չկտրվելով իրենց խաղից, խաղալիքից, խաղ-միջավայրից՝  կառուցում էին իրենց զարգացման միջավայրը, ներառելով ընտանիքի անդամներին, սովորելով խաղալով:
Օրինակ՝
Փոքրիկ ընթերցողի  մեծ հրճվանքը

Հինգ-վեց տարեկանների տառաճանաչության, ընթերցանության խրախուսման կարևորագույն գործոններից է  խաղուսուցմամբ, տեխնոլոգիական հնարամտությամբ  ուսուցումը: Կարևոր է , երբ տառաճանաչության այս ընթացքը իր բովանդակային կազմակերպմամբ չի դառնում գերնպատակ, այլ սովորողի իրական, հուզական, հետազոտական ապրումի մեջ  խաղի բաղադրիչ է դառնում, կապվում նրա գործունեությանը ու այդպես ընկալվում , չի առանձնացվում որպես առանձին խնդիր:

Օրինակ՝
Համեղ ընթերցարան

Ահա այսօր արդեն վեց տարեկան իմ ստեղծագործ, ամենահնար վեց տարեկանները արդեն ընթերցող են, ոչ սովորական ընթերցող՝ ճամփորդ ընթերցող , մեդիագրագետ ընթերցող , ստեղծագործ, հնարագետ ընթերցող,  եփող, ուտող ընթերցող: Այո, ճիշտ այդպես. այս անգամ իրենց շփոթ ապրումով , իմացումի հրճվանքով եփում, ստեղծագործում, շատախոսում , ընթերցում են տառ-թխիկ պատրաստումով:

 

 

Այսպիսի ստեղծագործ ապրումի ճամփորդություն ունեցանք մեր ամենահնարների միշտ անկանգ՝ շարժման, խոսքի, ստեղծումի, հասունության մոլորակում:
Ճամփորդի խիզախումի ոգով զինված՝ իրական հաջողումի, սայթաքումի պատրաստ հմտություններով և կարողություններով անցնում ենք ամռան ամենախենթ ճամբարականի արկածներով լի մեր ճամփան դեպի նոր հասունություն և զարգացում:
Բարին էնտեղ է, որտեղ կա խիզախումի ուժը: Մեր ամենահնար վեց տարեկան դարձած հինգ տարեկանների բարեկամությունը հանպատրաստից է, ճամփորդի պես: Իրենց հասունությունն էլ կողքով անցնում է , հոսում աննկատ , ով հասցնում է դառում է մասնակիցն ու իմացումով հրճվողը:

 

Ստուգատեսներին ներկայացվող նյութեր

Իմացումի հրճվանք կրթական ծրագիր
Հինգ տարեկանների զարգացման ծրագիր
Վեց տարեկանները մասնակցում են ամառային ստուգատեսներին: Ներկայացնում ենք մեկ տարվա ընթացքում կատարած ստեղծագործական գործունեությունը, ստեղծում ենք նոր ու հետաքրքիր աշխատանքներ, ընատնեկան նախագծեր:

Երաժշտական ստուգատես

Հեղինակային աշխատանք

Գովք մայրիկներին. դաշնամուրային կատարում
https://marinamartirosyan.wordpress.com/2017/03/07/__trashed/
Կոմիտասի երգերը՝ խաղ-բեմադրոմով
https://marinamartirosyan.wordpress.com/2016/10/09/կոմիտասի-երգերը՝-խաղ-բեմադրումով/

Թատերական ստուգատես

Հ. Թումանյանի  «Ծիտիկի օրորքը»
Ղազարոս Աղայան ՝ «Առավոտը գյուղում»
Ղազարոս Աղայան՝  «Ծիտն ու բազեն»
Ղ. Աղայանին «Մեղուն»
Հինգ րոպե բաց տաղավարում. մնջախաղ
Հինգ րոպե բաց տաղավարում. գովքասելուկ

Հինգ րոպե բաց տաղավարում
 Հ. Թումանյան «Ուլունքը»

Հ. Թումանյան «Շունն ու կատուն»

Հ. Թումանյանի  « Իրիկունը »

 

Ես կարողանում եմ . ճամբար 2017

Իմացումի հրճվանք կրթական ծրագիր
Հինգ — վեց տարեկանների զարգացման ծրագիր

Ճամբարի ընթացքում սաները ներկայացնում են իրենց կարողություններն ու հմտությունները:
Լողուսուցում
Սովորողները կարողանում են առանց ջրօղակի լողալ, ջրում շունչը պահել, կատարել ջրացատկեր:

Հեծանվային մարզումներ
Սովորողները կարողանում են վարել երկանիվ հեծանիվ: Անցնում են կարճ տարածություններ, կատարում են հեծանվային պտույտներ, կարողանում են օգտվել արգելակներից, իջնել և բարձրանալ վարընթաց և վերընթաց տարածքներ:

Կանաչ ֆլեշմոբ
Սովորողները կարողանում են երևակայել , ստեղծագործաբար կազմակերպել բնության հետ շփումը, հանպատաստից, ձեռքի տակ եղած պարագաներով խաղ-լաբիրինթներ ստեղծել:

Ստուգատեսներին մասնակցություն
Սովորողերի հետ պատրաստվում ենք Կինո-ֆոտո, թատերական, երաժշտական ստուգատեսներին:
Պատրաստվում ենք Կինո-ֆոտո ստուգատեսին: : Այսօր ընտրել էինք բնության ժպիտ թեման: Նկարվում և նկարում էինք ընկերներին բնության հետ երկխոսելիս:


Դասարան — համույթով պատրաստվում ենք  թատերական ստուգատեսին: Պատրաստվում ենք ներկայացնել հաց-թխիկի, ցորենի ծնունդը:

Ամեն եղանակ իր մրգով տորթն ունի. ծնունդդ շնորհավոր , ամառ 2017

Իմացումի հրճվանք կրթական ծրագիր
Հինգ -վեց տարեկանների զարգացման ծրագիր
IMG_20170601_111915
Ընկեր Մարինե
— Իսկ ձեր ամառը այսօր քանի՞ տարեկան է դառնում:
Ալեք
— Մեր ամառը հինգ կամ վեց տարեկան է:
— Իսկ ես ինչպե՞ս դառնամ ձեր ամռան ընկերը, մասնակցեմ ձեզ հետ  տոնին:
Աննա
— Ձեր տարիքն էլ  իջեցնենք, որ ձեր տոնն էլ լինի, ընկեր Մարինե:
Ընկեր Մարինե
— Որքա՞ն պետք է իջեցնենք իմ տարիքը:
Արամ
— Իջեցնենք  մինչև վերջ:
Աննա
— Չէ, իջեցնենք ընդամենը 20-ով, որ դառնա 5 տարեկան, մեր մոլորակից:
Ահա այսպիսի ուրախ անհագստություններով դիմավորեցինք ամառ 2017-ին: Մեծ սպասումով պատրաստվել էինք Ամառ 2017-ի ծնունդը ճամբարում տոնելու: Մեր ամենահնարները հենց էնպես համոզվողներից չեն, հանկարծ նկատեցին, որ առանց տորթի ծնունդ չի լինի: Մեջբերում եմ.
Նարե
— Ընկեր Մարինե, բա տորթ չունի՞ մեր ամառը:
Ընկեր Մարինե
— Եթե ինձ օգնեք և հուշեք , թե ամռան տորթը ինչպիսին է լինելու, արագ կպատրաստենք: Արդյո՞ք բոլոր եղանակների ծնունդների տորթերը նույնն են, թե ամեն եղանակ իրեն հատուկ տորթն ունի:
Լեոնարդո
-Չէ, ամռանն ուրիշ է: Եկեք ելակով, բանանով, մրգային , սերուցքով տորթ թխենք:
Նիկա
-Հա, ճիշտ է ամռանը մրգերով, բա ձմռանը ինչպե՞ս կլինի: Մենք լինում է, որ ձմռանն էլ ենք մրգով պատրաստում:
Վարդուհի
— Չէ, ձմռան մրգերն ուրիշ են, ամեն եղանակ իր միրգն ունի ու իր տորթը:
Որոշեցինք, ձեռքի տակ եղած մթերքներով սկսեցինք պատրաստել Ամառ 2017-ի ծննդյան տորթը: Ինչպիսի փորձի փոխանակում, ինչպիսի հմտություններ ցուցադրեցին ամենահնարների մոլորակի աղջիկները:  Արդեն դժվար էր կռահելը սովորող սովորեցնողի դերում խոհարար  ընկեր Սաիդան էր, թե մեր խելոքները: Այնքան հմուտ ձեռքեր ունեն, այնպես էին ալյուր մաղում ու հետն էլ երգ ասում:

Ամառ 2017-ի ծննդյան թխիկը

Այսպիսի համեղ տորթով — թխիկից հետո մեզ միայն մնում էր ուտել, ուրախանալ: Ամենահնարների մոլորակում օրը զվարթ, անասելի ուրախ էր, բայց և չէր դադարում հարցերի տարափը: Թե ինչու է   հունիսի 1-ը  համարվում երեխաների պաշտպանության օրը, հենց երեխաների մեկնաբանությամբ: Մեջբերում եմ.
Ընկեր Մարինե
-Իսկ ինչո՞ւ հենց պաշտպանության օր, կուզեի՞ք, որ պաշտպանելու փոխարեն լիներ գովքի օր:
Արամ
-Ոչ, գովքը  իսկական բան չի,ասում են ուղղակի, իսկ պաշտպանելը ոնց որ քամին քեզ քշի, բայց քեզ պաշտպանեն : Ըտենց բաներն են պաշտպանում:

Օրվա ուրախ տրամադրությունը՝ հանրապետության հրապարակում

 

Ծնողական սեմինարի ծրագիր

IMG_20170322_130227Իմացումի հրճվանք կրթական ծրագիր
Հինգ —  վեց տարեկանների զարգացման ծրագիր

Մասնակիցներ՝ սովորողների ծնողներ, ծրագրի ղեկավար, դասվար, երկարացված օրվա կազմակերպիչ
Անցկացման վայրը, ժամը՝ Արևմտյան դպրոց,հուլիսի 3, ժամը 12:00, հինգ տարեկանների խմբասենյակ
Նպատակը՝ ուսումնական տարվա նախագծերի ամփոփում- քննարկում, նոր ուսումնական տարվա ծրագրերի ներկայացում, պայմանագրի կնքում
Օրակարգում
1. Կիսամյակային նախագծերի ամփոփում
2. Սաների աճի բնութագրերի ներկայացում
3.Ուսումնական գործիքների՝պլանշետ,նոթբուք-նեթբուքերի  օգտագործում ուսումնական գործընթացում
4. Իմացումի հրճվանք կրթական ծրագիրը 5-6 տարեկանների ծրագրում/ ձեռքբերումների, հմտությունների ներկայացում
5. Ուսումնական ճամփորդություն
6.Ամառ 2017 . ճամաբարային գործունեության առաջարկներ, կարծիքներ
7. Կազմակերպչական այլ հարցեր

Սովորող սովորեցնող նախագիծը վեց տարեկանների ճամբարում

Իմացումի հրճվանք կրթական ծրագիր
Հինգ -վեց տարեկանների ծրագիր

Մի խումբ սովորողներ , պարոն Տիգրանյանի հետ օրեր առաջ եկան մեր խելոքներին հյուր: Բազում ինչուներից առանձնացրին ամենահետաքրքրականը և այսօր՝  « Սովորող սովորեցնող» նախագծի շրջանակներում  մեզ ներկայացրին, պատմեցին իրենց կատարած  ուսումնահետազոտական աշխատանքի մասին:  Տեղեկություններ էին հավաքել դինոզավրերի մասին, power point ծրագրով նկարաշարով առանձնացրել, մշակել էին կրտսեր ընկերների համար առավել ուշագրավ տեղեկությունները:
Խելոքներն այնքան էին ոգևորվել, որ միմյանց հերթ չէին տալիս : Արամի ոգևորությունը անսահման էր, քանի որ իր մեծ եղբայրն էր այդքան հետաքրքիքր տեղեկություններ հավաքել և հոգատարությամբ մեկ պատմում-ներկայացնում էր, մեկ էլ լսում ու պատասխանում հնչող ամենատարբեր ու զարմանալի հարցադորումներին:
« Սովորող սովորեցնող» նախագիծ
https://www.youtube.com/watch?v=qszWpr_KRPc&feature=youtu.be

Այնքան էին ոգևորվել հանդիպումից, որ պայմանավորվեցինք կրկին հանդիպել՝ այս անգամ նոր հարցադրումներով և ավագ ընկերները խոստացան ամենի մասին տեղեկություններ հավաքել, միայն կրտսեր ընկերները չմոռանան իրենց և միշտ գրեն իրենց հուզող հարցրերի մասին:

Մեր ամառային ճամբարներն առանց «Կանաչ ֆլեշմոբ»-ի անհնար է պատկերացնել:
Խելոքները այնքան ճկուն են տեղաշարժվում, գործում, որ ինձ մնում է մասնակիցը լնել իրենց կենդանի ապրումի:

«Կանաչ ֆլեշմոբ»-ը՝ նկարաշարով